რუსთავის მტკვრის მიმდებარე ტერიტორიაზე აღმოჩენილი ათეულობით მკვდარი ცხვრის ლეში მარნეულის ნაგავსაყრელზე გადაიტანეს, სადაც მათ გაანადგურებენ. როგორც „ინფო რუსთავისთვის" გახდა ცნობილი, ადგილზე არ აღმოჩნდა ინფექციური დაავადებების კვალი, რის გამოც პროფილაქტიკური სამუშაოების ჩატარება საჭირო არ გახდა.  გარემოს დაცვის სამინისტრომ უკვე დააჯარიმა ტერიტორიის მესაკუთრე. შეგახსენებთ, რომ  ინფორმაცია სარწყავ არხში მკვდარი ლეშის არსებობის შესახებ "ინფო რუსთავს" გვერდის მკითხველმა მიაწოდა, ჩვენი გადამღები ჯგუფი პირველი მივიდა ადგილზე და ინფორმაცია გადაამოწმა, მოგვიანებით კი ფაქტის შესახებ გარემოს დაცვის სამსახურს შეატყობინა. ადგილზე გამოცხადნენ სურსათის უვნებლობის სამმართველოსა და ქალქის ზედამხედველობის სამსახურის წარმომადგენლები. აღნიშნულ ფაქტს მოჰყვა შესაბამისი რეაგირება ამ ეტაპზე ტერიტორიას ათობით ლეშისგან ასუფთავებენ.