გიორგი ჭანტურია დღეს დაკითხვაზე ისევ დაიბარეს.

ყაზბეგის ქუჩაზე, გიორგი ჭანტურიას სახლში ჩხრეკა დასრულდა. დეტექტივ-გამომძიებელ, ნუკრი მატუას განცხადებით: „მოსამართლის განჩინების საფუძველზე ჩატარდა ბინის ჩხრეკა. გარკვეული ნივთებია ამოღებული. გამოძიების ინტერესებიდან გამომდინარე ვერ გეტყვით დეტალებს. სამართალდამცველებმა გიორგი ჭანტურიას კუთვნილი ავტომობილიც გაჩხრიკეს, საიდანაც მართლსაწინააღმდეგო ნივთები არ ამოუღიათ. გიორგი ჭანტურიას ადვოკატის, ანა კეკენაძის განცხადებით: „ჩხრეკა ჩატარდა მშვიდ ვითარებაში. მოხდა ტანსაცმლის ამოღება. გარკვეული ჩვენებების საფუძველზე გადაწყვიტეს, მიემართათ სასამართლოსთვის და განჩინების საფუძველზე ჩაატარეს ხელახალი ჩხრეკა.“

გიორგი ჭანტურიას ადვოკატის, ალექსანდრე კობაიძის განცხადებით: „ჩხრეკა ჩატარდა სასამართლოს განჩინების საფუძველზე. რაც შეეხება დეტალებს, ამასთან დაკავშირებით ამ ეტაპზე ვერ ვისაუბრებ. ეჭვი მაქვს, რომ გამოძიება ჩიხშია შესული და სხვა ვერსია არ აქვთ.“ ალექსანდრე კობაიძის თქმით, სხვა მოწმეების ჩვენებებიდან ირკვევა, რომ გარდაცვლილს სხვა ადამიანებთან ჰქონდა კონფლიქტი.

გიორგი ჭანტურიას სახლი თბილისშიც გაჩხრიკეს. ამოღებულია ნივთები, თუმცა კონკრეტულად რა, ამაზე სამართალდამცველები არ საუბრობენ.