2017-12-26 16:21:10
გიგა ლორთქიფანიძის სახელობის რუსთავის მუნიციპალურ თეატრში ახალი საგანმანათლებლო პროექტის, Izrune.ge-ს პრეზენტაცია გაიმართა.
ღონისძიებას საქართველოს ეროვნული ინტელექტ-ჩემპიონატის "ეტალონის" ავტორი გოჩა ტყეშელაშვილი უძღვებოდა. ახლადშექმნილ ვებ-გვერდზე მოსწავლეებს ზოგადი განვითარების ინდივიდუალური ტესტის გააკეთება და თავიანთი ცოდნის შეფასება შეეძლებათ.
რუსთაველი მოსწავლეების მშობელებს საიტით სარგებლობა სიმბოლურ ფასად - ერთ ლარად შეეძლებათ.
თეატრში გამართულ ღონისძიებას ქალაქის მერი ირაკლი ტაბაღუა, რუსთავის საგანმანათლებლო რესურსცენტრის უფროსი თამარ ხეჩიკაშვილი, საკრებულოს წევრები და სხვადასხვა სკოლის პედაგოგები მოსწავლეებთან ერთად ესწრებოდნენ.
ავტორი: ირმა კურტანიძე
