2017-12-21 22:01:50
ხელოვნების სკოლაში ანსამბლ "თუთარჩელა"-ს კონცერტი გაიმართა. სცენაზე 12 კომპოზიცია შესრულდა, მათი დიდი ნაწილი გერმანულენოვანი იყო, ასევე სიმღერები შესრულდა სკანდინავიურ და ინგლისურ ენაზე. ღონისძიებას ადგილობრივი თვითმმართველობის წარმომადგენლებთან ერთად გერმანიის საელჩოს და საგარეო საქმეთა სამინისტროს წარმომადგენლებიც ესწრებოდნენ. კონცერტის ბოლოს ქალაქის მერმა ირაკლი ტაბაღუამ ანსამბლის ხელმძღვანელს თამარ ბუაძეს სამახსოვრო სიგელი გადასცა და წარმატებები უსურვა. ანსამბლმა მიმდინარე წლის მანძილზე რამდენიმე კონცერტი როგორც საქართველოს ასევე ევროპის ქალაქებში გამართა, დასკვნითი ღონისძიება კი დღეს მშობლიურ ქალაქში ჩატარდა.
აღსანიშნავია რომ საქართველო-გერმანიის ურთიერთობის 200 წლისადმი მიძღვნილ კონკურსში "თუთარჩელამ მიიღო მონაწილეობა და 200 მონაწილეს შორის ხუთეულში მოხვდა.
