2018 წელს, რუსთავში განსახორციელებელ ინფასტრუქტურული პროექტების ნაწილს, ინფრასტრუქტურის სამინისტრო დააფინანსებს. საკითხზე დღეს საკრებულოს სხდომაზე იმსჯელეს. მერმა პროექტები მოსაწონებლად საკრებულოს წარუდგინა, რის შემდეგაც საკითხს ქვემო ქართლის სამხარეო ადმინისტრაციაში სპეციალური საბჭო განიხილას და დასაფინანსებლად ინფრასტრუქტურის სამინისტროს გადაუგზავნის.

პროექტები რომლის განსახორციელებლად შესაძლოა თანხები ინფრასტრუქტურის სამინისტროდან გამოიყოს:

მშვიდობის ქუჩის რეაბილიტაცია

მარჯვენა სანაპიროს გზებისა და ეზოების საფარის რეაბილიტაცია და სანიაღვრე სისტემის მოწყობა

მარცხენა სანაპიროს გზების და ეზოების საფარის რეაბილიტაცია და სანიაღვრე სისტემის მოწესრიგება

ბალანჩივაძის ქუჩის მოწყობა

ნ. ნიკოლაძის ქუჩის მოწყობა

გორის ქუჩის, ვაჟა ფშაველას ქუცის, ყაზბეგის ქუჩის გზების რეაბილიტაცია

11-ე მკრ-ში სოციალური საცხოვრისის მოწყობა.

თუ ყველა პროექტი დაფინანსდა, საერთო ჯამში მუნიციპალური განვითარების ფონდიდან რომელსაც თანადაფინასებით რუსთავის თვითმმართველობაც შეუერთდება სავარაუდოდ 9 500 000 ლარი გამოიყოფა.