ქალაქისა და მხარის ხელმძღვანელი პირებისგან მუნიციპალურ თავშესაფარ ,,ქსენონს’’ და რუსთავში მცხოვრებ შშმ პირებს სამედიცინო ეტლები გადაეცათ. რუსთავის მერმა ირაკლი ტაბაღუამ, ქვემო ქართლის გუბერნატორის მოადგილემ, კახა კობერიძემ და ქალაქის საკრებულოს მაჟორიტარმა დეპუტატმა, გიორგი ტუხაშვილმა ბენეფიციარებს საჩუქარი პირადად გადასცეს.

ადგილობრივი ხელისუფლება რუსთავში მცხოვრებ განსაკუთრებული საჭიროების მქონე პირებს, სპეციალური გადასაადგილებელი სამედიცინო ეტლებით მომავალშიც უზრუნველყოფს.