ქალაქ რუსთავის მერი ირაკლი ტაბაღუა და საკრებულოს თავმჯდომარე ლევან ონიანი, საკრებულოს წევრებთან ერთად რუსთაველ სტუდენტებს შეხვნენ. შეხვედრის მთავარი მიზანი "სტუდენტური ტარიფის"დაწესება იყო. ადგილობრივი თვითმმართველობის ინიციატივით იგეგმება სპეციალური ტრანსპორტის გამოყობა, რომელიც ქალაქის შემოსასვლელიდან  თბილისის მიმართულებით კონკრეტულ გაჩერებამდე სტუდენტებს შეღავათიან ფასში მოემსახურება. "სტუდენტური ტარიფი" შეეხებათ სოციალურად დაუცველ, წარჩინებულ და მრავალშვილიან ოჯახებს.

ქალაქის მერმა  "ინფო რუსთავთან" საუბრისას განაცხადა რომ - "შეხვედრა ძირითადად ეხებოდა სტუდენტებისთვის მორგებული ტარიფის შეთავაზებას. ეს საკითხი გარკვეულწილად დახვეწას საჭიროებს. შესასწავლია ის გარემოებები, თუ რამდენად გამტარი იქნება ჩვენს მიერ სტუდენტურ ტარიფზე მორგებული სატრანსპორტო დერეფანი. ასევე გასათვალისწინებელია ის დისლოკაციები, სადაც მოხდება ავტობუსების გაჩერება. ჩვენ დაწყებული და გადანაწილებული გვაქვს ფუნქციები, ხდება სტუდენტების შესწავლა და დიფერენცია. პირველი გათვლა მოხდება იმ სტუდენტებზე, რომლებიც განსაკუთრებულ მზრუნველობას და ჩვენს დახმარებას საჭიროებენ, შემდგომ ყურადღებას გავამახვილებთ წარჩინებულ სტუდენტებზე, რომლებიც კარგი აკადემიური მოსწრებით გამოირჩევიან. შეხვედრისას სტუდენტების მხრიდან წამოვიდა საინტერესო, კარგად ნააზრევი კითხვები, რომლებიც საჭიროებენ შესწავლას. ჩვენ უშუალოდ სტუდენტების დახმარებით ვგეგმავთ პრობლემების გადაჭრის გზების ძიებასა.“