2017-12-13 12:16:11
ქალაქის ხელმძღვანელი პირები მარის არხის დასახლების პრობლემებს გაეცნენ. ადგილობრივების განმარტებით, უმთავრესი პრობლემა რომელიც წლებია აწუხებთ, დაუკანონებელი მიწებია. ქალაქის მერის, ირაკლი ტაბაღუას განცხადებით, შესაბამის სამსახურებთან ერთად, ყველაფერი იქნება გაკეთებული საკითხის მოსაგვარებლად.
„საუბარია 600 ოჯახზე. კომისიამ დაიწყო მუშაობა და კანონიერების ფარგლებში ეკონომიკის სამინისტროსთან შეთანხმებით გადაიდგმება ქმედითი ნაბიჯები“ - განაცხადა ირაკლი ტაბაღუამ.
