2017-12-11 21:00:24
თვითმმართველობის არჩევნებში პარტია ევროპული საქართველოდან რუსთავის საკრებულოში პროპორციული სიის მიხედვით 2 წევრი, მამუკა აბულაძე და კობა ლომიძე შევიდა. პარტიაში კი აცხადებენ რომ ფორმალურად ისინი უნდა შესულიყვნენ საკრებულოში, დასწრებოდნენ პირველ სხდომას და შემდეგ დაეტოვებინათ საკრებულო, ხოლო მათ ჩაანაცვლებდნენ პარტიის ის წევრები რომლებმაც საკუთარ ოლქებში ყველაზე მაღალი შედეგი აჩვენეს და ესენი არიან: გიორგი კოკილაშვილისა და ვახტანგ ქებაძე.
ნინო იმედაშვილი - "ეს იყო სიტყვიერი შეთანხმება და სიტყვიერი შეთანხმებაც შეთანხმებაა. რიგითობა იყო ფორმალური, ეს ზრდიდა მოტივაციას მაჟორიტარებს შორის. ეუბნები რომ ყველას ააქვს შანსი და მათზეა დამოკიდებული ვინ უფრო მეტ ხმას მოიპოვებს, ეს იცოდა ყველამ. უბრალოდ ფორმალობაა რომ პირველ სხდომას ესწრებიან ნომერაციით გასული წევრები, ხოლო შემდეგ ტოვებენ საკრებულოს და მათ ნაცვლად შედის ის ვინც ყველაზე მეტი ხმა მიიღო. ასე იყო ყველა დიდ ქალაქში სამწუხაროდ ეს შეთანხმება მარტო რუსთავმა დაარღვია. ჩვენ ვცდილობდით რომ დაგვერწმუნებინა ეს ორი ადამიანი და დაეწერათ განცხადებებები თუმცა სამწუხაროდ არ შეასრულეს. ეს ადამიანები უკვე გაირიცხნენ პარტიიდან და ჩვენი პარტიის სახელით ისინი ვეღარ მიიღებენ გადაწყვეტილებებს"
მამუკა ჩიქოვანი - "მე ვეთანხმები პარტიის მიერ მიღებულ გადაწყვეტილებას, სამწუხაროდ ლომიძემ და აბულაძემ დაარღვიეს შეთანხმება და ჩვენი პოლიტიკური გზები გაიყო"
მამუკა აბულაძე - "ძალიან სამწუხაროა თუ ასეთი გადაწყვეტილება მიიღეს, მე პირადად არანაირი შეთანხმების შესახებ არ ვიცოდი. საუბრობდნენ რაღაც ფორმულაზე, ჩემთვის გაუგებარი იყო ეს მიდგომა"
ევროპული საქართველო" საკითხთან დაკავშირებით ოფიციალურ განცხადებას ავრცელებს - "2017 წლის თვითმმართველობის არჩევნებზე ევროპულმა საქართველომ რამდენიმე ქალაქში (თბილისი, ქუთაისი, რუსთავი) ღია სიის პრინციპით მიიღო მონაწილეობა, რაც გულისხმობდა რომ საკრებულოში გამარჯვებული ან სხვებზე კარგი შედეგის მქონე მაჟორიტარები მოხვდებოდნენ.
სამწუხაროდ, კანონმდებლობა ღია სიის შექმნის შესაძლებლობას პარტიებს არ აძლევს, ამიტომ ამ პრინციპის მუშაობა მხოლოდ შიდა პარტიულ შეთანხმებაზე იყო დამოკიდებული. ეს შეთანხმებები წარმატებით შესრულდა თბილისსა და ქუთაისში. სამწუხაროდ, ასე არმოხდა რუსთავში. სიაში პირველ და მეორე ადგილზე მყოფმა მამუკა აბულაძემ და კობა ლომიძემ უარი თქვეს ყველაზე კარგი შედეგის მქონე მაჟორიტარობის კანდიდატებისთვის, გიორგი კოკილაშვილისა და ვახტანგ ქებაძისთვის დაეთმოთ ადგილი. შიდა პარტიული შეთანხმებების შესრულება მნიშვნელოვანია არა მარტო დღეს სამართლიანობისთვის, არამედ მომავალში შიდა დემოკრატიული პროცესებისა და ჯანსაღი კონკურენციის წასახალისებლად. აქედან გამომდინარე პარტიის სამდივნოს გადაწყვეტილებით, ამ შეთანხმების დამრღვევები გაირიცხებიან პარტიიდან, მომავალში კი გავაკეთებთ ყველაფერს რათა მსგავსი სიტუაცია არ განმეორდეს."
