მესხიშვილის 13 ნომერში დეზინფექციის სამსახურის წარმომადგენელმა პატრული გამოიძახა, მისი თქმით მას სადეზინფექციო აპარატი სადარბაზოდან მაშინ მოპარეს, როდესაც თავად ერთ-ერთ მოქალაქეს ტერიტორიის შეწამვლაზე ეკამათებოდა. ადგილზე მობილიზებული იყო როგორც საპატრულო, ასევე, კრიმინალური პოლიცია. დეზინფექციის თანამშრომელი უბნის მცხოვრებლებს სადეზინფექციო სამუშაოების ჩატარებისთვის 2 ლარს სთხოვდა, აღნიშნულმა ფაქტმა კი მოქალაქეთა უკმაყოფილება გამოიწვია. ადგილობრივების თქმით,  საპატრულო პოლიციამ დეზინფექციის სამსახურის წარმომადგენელი განყოფილებაში დასაკითხად გადაიყვანა.