რუსთავში მცხოვრები სოციალურად დაუცველი მოსახლეობა დღეს დილით, საკვების მიღების მიზნით მერიის მიმდებარე ტერიტორიაზე შეიკრიბა. მათი განცხადებით, საკვებით ფონდი „ჩერნოვეცკი“ უნდა დახმაებოდა. ფონდის წარმომადგენლები, აღნიშნულ ტერიტორიაზე დათქმულ დროს გამოცხადნენ, თუმცა მათ მოსვლას სოციალურად დაუცველი მოსახლეობის უკმაყოფილება მოჰყვა.

 ადგილობრივების პროტესტი, მას შემდეგ დაიწყო რაც, მათ დასახმარებლად გამოყოფილი საკვები ნახეს. მოსახლეობის თქმით, ფონდი მათ თითო-თითო პურსა და მცირე რაოდენობის საალთს გადასცემდა, რაც სოციალურად დაუცველების თქმით, მათი დაცინვა იყო.

დახმარების გაპროტესტების შემდეგ, ფონდის წარმომადგენლებმა აქციის გაგრძელებასა და საკვების გაცემაზე უარი თქვეს. მათი თქმით, ფონდი მსგავს აქციებს თბილისსა და სხვა რეგიონებშიც ატარებს და ხალხის პროტესტი აქციებს არასდროს მოჰყოლია. ფონდის წარმომადგენლების განცხადებით, მათთვის უცნობია გაუწევენ თუ არა დახმარებას კიდევ რუსთავში სიღარიბის ზღვარს ქვემოთ მცხოვრებ მოსახლეობას.ნახეთ ვიდეო.