რუსთავის მუნიციპალიტეტის ადმინისტრაციულ შენობას სარეაბილიტაციო სამუშაოები ჩაუტარდება.

სამუშაოების შემსრულებელი კომპანიის გამოსავლენად, მუნიციპალიტეტმა ელექტრონული ტენდერი გამოაცხადა.

როგორც ტენდერზე თანდართული დოკუმენტებიდან ირკვევა, სარემონტო სამუშაოები მერის შენობის მარცხენა ფლიგელის მე-3 და მე-4 სართულებზე ჩატარდება.

სამუშაოებისთვის ადგილობრივი ბიუჯეტიდან 1 542 516 ლარი გამოიყო.