რუსთავში, შარტავას გამზირზე საავტომობილო მოძრაობა გადაკეტილია. ქალაქის მერიის განცხადებით, აღნიშნულ მონაკვეთზე გადაადგილების შეზღუდვა 28 მარტამდე იმოქმედებს.

"რუსთავში, ქალაქის შემოსასვლელისა და სამი მთავარი მოედნის რეაბილიტაცია მიმდინარეობს.

სარეაბილიტაციო სამუშაოების გამო, 2023 წლის 24 მარტიდან 28 მარტამდე, ჟიული შარტავას სახელობის მოედანზე, ნაწილობრივ შეზღუდული იქნება საავტომობილო მოძრაობა.

ბოდიშს გიხდით შექმნილი დისკომფორტისთვის", - ნათქვამია განცხადებაში.

განცხადება მერიის ოფიციალურ ფეისბუქ გვერდზე საავტომობილო მოძრაობის გადაკეტვიდან რამდენიმე საათის შემდეგ გავრცელდა.