თბილისის ინფექციური საავადმყოფოს ინფეცქიური პათოლოგიებისა და შიდსის ცენტრის ბოქსირებული განყოფილების უფროსის, მარინა ენდელაძის თქმით, დღეს, 5 ოქტომბერს საქართველოში დადასტურებული 578 ახალი შემთხვევიდან 416 აჭარიდანაა.

"აჭარიდან გახლავთ 416 პაციენტი, თბილისიდან - 72 პაციენტი, იმერეთიდან - 44, სამეგრელო-ზემო სვანეთიდან - 23, ქვემო ქართლიდან - 10, გურიიდან - 8, სამცხე-ჯავახეთიდან - 3, კახეთიდან - 1,  შიდა ქართლიდან კი 1 პაციენტი - განაცხადა ენდელაძემ.

მისივე ინფორმაციით, 45 პაციენტი არის კრიტიკულად მძიმე, მათ შორის 43 მართვით სუნთქვაზეა და 9 აფხაზეთის ოკუპირებული ტერიტორიიდანაა გადმოყვანილი.

ცნობისთვის, ბოლო 24 საათში საქართველოში კორონავირუსით ინფიცირების 578 ახალი შემთხვევა დადასტურდა, გამოჯანმრთელდა 375 ადამიანი, 2 კი გარდაიცვალა.