2025-12-04 12:53:21
რუსთავი-თბილისის დამაკავშირებელ ჩქაროსნულ მაგისტრალზე ავტოსაგზაო შემთხვევა მოხდა.
როგორც საინფორმაციო სააგენტო "ინფო რუსთავს" ერთ-ერთმა თვითმხილველმა განუცხადა, "ჰიუნდაის" მარკის ავტომობილის მძღოლმა საჭე ვერ დაიმორჩილა, გზის სავალი ნაწილიდან გადავიდა, არხში გადავარდა, რის შემდეგაც ჰაერში სამჯერ დატრიალდა და მიწაზე დაეცა.
შემთხვევის დროს 3 ახალგაზრდა ქალი დაშავდა.
2 სასწრაფო დახმარების ეკიპაჟმა კლინიკა რუსთავში გადაიყვანა, ერთი კი ცენტრალურ საავადმყოფოში.
შემთხვევის ადგილზე მობილიზებული იყო საპატრულო პოლიციისა და სამაშველო სამსახურების ეკიპაჟები.
