2025-08-09 11:03:21
დედოფლისწყაროს მუნიციპალიტეტში გველმა 68 წლის კაცი დაკბინა.
შემთხვევა სოფელ ხორნაბუჯში გუშინ მოხდა.
ადგილობრივები ჰყვებიან, რომ კაცი ქვეწარმავალმა საკუთარი საცხოვრებელი სახლის ეზოში დაგესლა.
ზედა კიდურზე მიყენებული დაზიანებით, სასწრაფო- სამედიცინო დახმარების ჯგუფმა ის დედოფლისწყაროს კლინიკაში გადაიყვანა.
არსებული ინფორმაციით, მამაკაცს უკვე გაუკეთდა ანტიგიურზინი.
