2025-04-05 12:03:11
რუსთავის ბაგა-ბაღები კომპანია "ქართული რძის პროდუქტები" ნაწარმით მარაგდება. ამის შესახებ "ინფო რუსთავს" ბაღების გაერთიანებაში განუცხადეს.
"საზოგადოების მაღალი ინტერესიდან გამომდინარე, გაცნობებთ, რომ რუსთავის ბაგა-ბაღებში, ბავშვთა კვებისთვის გამოიყენება მხოლოდ კომპანია "ქართული რძის პროდუქტების" ნაწარმი, რომლის ხარისხიც, სისტემატურად მოწმდება ლაბორატორიულად.
ნებისმიერი სახეობის საკვები, რუსთავის საბავშვო ბაღებში შემოტანამდე, გადის უმკაცრეს კონტროლს.
კონკრეტულად, რძის ნაწარმის თითოეულ პატიას, რომელიც ბაგა-ბაღებში, კვირის განმავლობაში საშუალოდ 3-ჯერ შემოდის, თან ახლავს, აკრედიტებული ლაბორატორიის შესაბამსი დასკვნა.
გარდა ამისა, საბავშვო ბაღებში, ბავშვთა კვებითვის განკუთვნილი ნებისმიერი პროდუქტის ხარისხს, სისტემატურად, უმკაცრესად აკონტროლებს სურსათის ეროვნული სააგენტო.
რუსთავის ბაგა-ბაღებში, ბავშვთა კვებისთვის შემუშავებულია მოზარდის საჭიროებების შესაბამისი და ნუტრიციოლოგების მიერ დამტკიცებული მენიუ", - აცხადებენ ბაღების გაერთიანებაში.
