ქუთაისში, კულტურული მემკვიდრეობის შენობაში ხანძარი გაჩნდა. ამავე შენობაშია განთავსებული "საქართველოს ფოსტაც". 

ცეცხლი მეორე სართულზე იყო, რომელიც უფუნქციოდაა დარჩენილი.

საგანგებო სიტუაციების მართვის სამსახურის ინფორმაციით, ადგილზე სახანძრო-სამაშველო ჯგუფები მუშაობდნენ.

მათივე ცნობით, ცეცხლის ლიკვიდაცია დროულად მოხდა და პირველ სართულზე, სადაც "საქართველოს ფოსტა" ფუნქციონირებს, არ გადასულა. შემთხვევის შედეგად არავინ დაშავებულა.

ხანძრის გამომწვევი მიზეზი, უცნობია.