2019-04-23 21:17:09
წიგნის საერთაშორისო დღესთან დაკავშირებით, რუსთავში აქცია "აჩუქე წიგნი" გაიმართა.
აქცია დილიდან ქალაქის მერმა დაიწყო და მოსახლეობას, ქუჩაში წიგნები აჩუქა. აქციას მოგვიანებით საკრებულოს წევრები, მერიის სხვადასხვა სამსახურის და ააიპ-ების ხელმძღვანელებიც შეუერთდნენ.
წიგნები ასევე საჩუქრად გადაეცა სხვადასხვა სკოლებს და ბიბლიოთეკებს. "რუსთავსერვის ცენტრის" ხელმძღვანელი გიორგი გოროზია #17 საჯარო სკოლას ეწვია და საჩუქრად წიგნები გადასცა.
დღის მანძილზე 1000-მდე წიგნი დარიგდა.
წიგნის ჩუქების დღე 23 აპრილი, პარლამენტის ეროვნული ბიბლიოთეკის დირექტორმა, გიორგი კეკელიძემ დააფუძნა და ის წიგნის საერთაშორისო დღეს უკავშირდება.
