საჯარო სკოლებსა და საბავშვო ბაგა-ბაღებში ზამთრის არდადეგები 2018 წლის 29 დეკემბრიდან დაიწყება და 2019 წლის 14 იანვრის ჩათვლით გაგრძელდება.

როგორც განათლების, მეცნიერების, კულტურისა და სპორტის სამინისტროში განმარტავენ, არდადეგები საგაკვეთილო პროცესს ეხება, თუმცა არ არის გამორიცხული, რომ პედაგოგებს სკოლაში გამოცხადება არდადეგების პერიოდშიც მოუწიოთ იმის გათვალისწინებით, აქვთ თუ არა რაიმე საქმე დასასრულებელი. ამის შესახებ ინფორმაცია მასწავლებელმა სკოლის ადმინისტრაციასთან, დირექტორთან უნდა გაარკვიონ.

როგორც ბაგა-ბაღების სააგენტოში ამბობენ, გამოიცემა შესაბამისი ბრძანება და სავარაუდოდ, რადგან 14 იანვარი ორშაბათი დღეა, ბაღებში სააღმზრდელო პროცესი სწორედ 14 იანვარს, ხოლო, სკოლებში სწავლა 15 იანვარს განახლდება.

რაც შეეხება რუსთავის ბაგა-ბაღებს, გაერთიანებაში აღნიშნეს რომ არდადაგებთან დაკავშირებით გადაწყვეტილება ჯერ მიღებული არ არის. დასვენების დრო უახლოეს დღეებში გახდება ცნობილი.