მაღაზიის ქურდობაში ბრალდებული პირი დააკავეს. ნახეთ ვიდეო

არსებული ინფორმაციით, ბრალდებულმა მაღაზიის გაქურდვის შემდგომ, დამალვის მიზნით ერთ-ერთი ავტომობილის საქარე მინა ჩაამსხვრია, თუმცა პოლიციამ მისი პოვნა დროულად შეძლო.

შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლების მიერ, ჩატარებული ოპერატიულ-საგამოძიებო მოქმედებების შედეგად, მაღაზიის გაქურდვის ბრალდებით 1982 წელს დაბადებულ, წარსულში მრავალჯერ ნასამართლევ და ამჟამად პირობითი მსჯავრის ქვეშ მყოფი გ.თ.-ს დანაშაული 3-დან 5 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ დაკავებულმა მიმდინარე წლის 7 ნოემბერს, ღამით, რუსთავის მე-14 მიკრორაიონში, N21 საჯარო სკოლის მიმდებარე ტერიტორიაზე სასურსათო მაღაზია გაქურდა და შემთხვევის ადგილიდან მიიმალა.

სამართალდამცველებმა გ.თ. მომხდარიდან მალევე, ცხელ კვალზე დააკავეს. ნაქურდალი ნივთები ამოღებულია ნივთმტკიცების სახით.

გამოძიება ქურდობის ფაქტზე მიმდინარეობს, საქართველოს სსკ-ს 177-ე მუხლის მე-2 ნაწილის „ბ“ ქვეპუნქტით.