2018-09-15 15:51:45
15 სექტემბერს, მსოფლიოში მილიონობით ადამიანი ერთვება კამპანიაში „დავასუფთავოთ მსოფლიო“. ქვემო ქართლის გუბერნატორის, შოთა რეხვიაშვილის ინიციატივით, გუბერნიის ადმინისტრაციამ, ღონისძიების ფარგლებში, ქალაქ რუსთავის ცენტრალური პარკის მიმდებარე ტერიტორია დაასუფთავა. აღსანიშნავია, რომ დასუფთავების აქციები სლოგანით - "ჩვენი ქვეყანა, ჩვენი პასუხისმგებლობაა" რეგიონის ყველა მუნიციპალიტეტში მიმდინარეობს, სადაც საჯარო, კერძო და არასამთავრობო სექტორის წარმომადგენლები აქტიურად მონაწილეობენ. კამპანია საქართველოში, შვედეთის მთავრობისა და გარემოს დაცვისა და სოფლის მეურნეობის სამინისტროს მხარდაჭერით და "საქართველოს მწვანეთა მოძრაობა/დედამიწის მეგობრები-საქართველოს" ინიციატივით ხორციელდება.
ინფორმაციას ქვემო ქართლის გუბერნია ავრცელებს
