ინდონეზიის ერთ-ერთი სოფლის მაცხოვრებლებმა 300-მდე ნიანგი დახოცეს. ნახეთ ვიდეო.
დანებით, ჩაქუჩებით და სხვადასხვა ბასრი საგნებით შეიარაღებულმა სორონგის მკვიდრებმა ნიანგების დახოცვა შურისძიების მიზნით გადაწყვიტეს, მას შემდეგ რაც დასავლეთ პაპუაში, სორონგის ქარხნის ერთ-ერთი მუშა ნიანგის ნაკბენით გარდაიცვალა.
არსებული ინფორმაციით, მუშა რქოსანი პირუტყვისთვის ბალახს ეძებდა, როდესაც ნიანგმა უკბინა, მოგვიანებით იგი გარდაცვლილი იპოვეს. მუშის დაკრძალვის შემდეგ 600-მდე თანასოფლელი ბასრი საგნებით შეიარაღდა და ნიანგების ფერმას თავს დაესხა.
თავდამსხმელების შეჩერებას 40 სამართალდამცველი ცდილობდა, თუმცა უშედეგოდ. „ჩვენ არაფრის გაკეთება არ შეგვეძლო, სიტუაცია ძალიან დაძაბული იყო.“ - განაცხადა ადგილობრივი პოლიციის უფროსმა, დევა მადე სუტრაჰნამ. უცნობია, დახოცილ ნიანგებს შორის არის თუ არა ის ნიანგი, რომელმაც მუშას უკბინა.