ჯანდაცვის სამინისტროს ინფორმაციით, 5 და მეტი მედიკამენტის გამოწერის შემთხვევაში პაციენტს დანიშნულების გადამოწმება შეეძლება.

განსაზღვრულია რამდენიმე კრიტერიუმი, რის საფუძველზეც გადამოწმდება ჭარბად არის თუ არა მედიკამენტები გამოწერილი. მათ შორის, ყურადღება მიექცევა - ხომ არ არის დანიშნული ორი ან მეტი ანტიობიტიკი, ასევე, ხომ არ არის ექიმის მიერ გამოწერილი ერთი და იგივე ჯენერიკი ორი და მეტი სავაჭრო დასახელებით ან ერთი და იგივე ფარმაკოლოგიური ჯგუფის მედიკამენტები ხომ არ არის ერთდროულად დანიშნული. თუმცა, აღსანიშნავია, რომ ამ შემთხვევებში გათვალისწინებული იქნება მედიკამენტების ორგანიზმში შეყვანის გზები, რადგან შესაძლოა, მაგალითად, ორი ანტიბიოტიკი იყოს დანიშნული, თუმცა, ორგანიზმში შეყვანის გზები იყოს განსხვავებული (ერთი იყოს დასალევი აბი, მეორე კი მალამოს სახით)

მოქალაქეებს ექიმის დანიშნულების გადამოწმება შეეძლებათ როგორც სოციალური მომსახურების სააგენტოს რაიონულ ფილიალში დანიშნულების წარდგენით, ისე ელექტრონული რეცეპტების სისტემაში
პაციენტის გვერდიდან.

კერ­ძოდ, პა­ცი­ენ­ტი შე­დის სა­კუ­თა­რი პა­რო­ლით ელექტრო­ნუ­ლი რე­ცეფ­ტე­ბის სის­ტე­მა­ში. იქვე და­ნიშ­ნუ­ლე­ბა­ში გაჩ­ნდა ღი­ლა­კი, რომ­ლის სა­შუ­ა­ლე­ბი­თაც ეს და­ნიშ­ნუ­ლე­ბა გან­ხილ­ვის­თვის ავ­ტო­მა­ტუ­რად აიტ­ვირ­თე­ბა პო­ლი­ფარ­მა­ცი­ის სა­კი­თხებ­ზე მო­მუ­შა­ვე კო­მი­სი­ას­თან. პა­ცი­ენ­ტი სამი დღის გან­მავ­ლო­ბა­ში იგი­ვე პორ­ტა­ლის სა­შუ­ა­ლე­ბით მი­ი­ღებს პა­სუხს - ექ­ვემ­დე­ბა­რე­ბა ეს და­ნიშ­ნუ­ლე­ბა გა­და­ხედ­ვას თუ არა.

პა­ცი­ენ­ტებს ექი­მის მიერ გა­ცე­მუ­ლი და­ნიშ­ნუ­ლე­ბის მიზ­ნობ­რი­ო­ბის გა­კონ­ტრო­ლე­ბა რამდენიმე დღეში შე­ეძ­ლე­ბათ. აღ­ნიშ­ნუ­ლი ინ­სტრუ­მენ­ტი, რო­მე­ლიც პა­ცი­ენტს მისი კლი­ნი­კუ­რი მდგო­მა­რე­ო­ბის­თვის მიზ­ნობ­რივ­ზე მეტი პრე­პა­რა­ტის მი­ღე­ბის­გან და­ი­ცავს, 16 ივ­ლი­სი­დან ამოქ­მედ­დე­ბა.