ფიცის დადების ცერემონიის შემდეგ რამდენიმე ჯარისკაცმა გონება დაკარგა.

ადგილზე მობილიზებული იყო სასწრაფო-სამედიცინო დახმარების ეკიპაჟები რომლებმაც ჯარისკაცებს პირველადი სამედიცინო დახმარება გაუწიეს .

აღნიშნულის შემდეგ, გიორგი მარგველაშვილმა თავისუფლების მოედნიდან ჯარის გაყვანის გადაწყვეტილება მიიღო.

"იქიდან გამომდინარე, რომ ძალიან მზე გვაჭერს, მინდა, რომ ჯარი მოედნიდან გავიდეს და ჩვენ გავაგრძელებთ ცერემონიას" - განაცხადა გიორგი მარგველაშვილმა რის შემდეგაც ჯარმა მოედანი დატოვა.

შეგახსენებთ, რომ დამოუკიდებლობის დღესთან დაკავშირებით წვევამდელებმა თავისუფლების მოედანზე ფიცი დადეს.

ფოტო: მეტრონომი