"რუსთავსერვის ცენტრი" ქალაქის ცენტრალურ ქუჩებზე ახალ ნაგავშემკრებ კონტეინერებს ეტაპობრივად განათავსებს.

პროცესი კოსტავას გამზირიდან დაიწყო, სადაც 16 ერთეული ურნა დაიდგა.

პლასტმასის 1 100 ლიტრიანი ნაგავშემკრები კონტეინერი, კონსტრუქციულად დასუფთავების მანქანების შესაბამისია.

როგორც სამსახურის უფროსი გიორგი გოროზია აცხადებს, ძველი ლითონის კონტეინერები, ქალაქის პერიფერიებში განთავსდება. მისივე განცხადებით, მუნიციპალიტეტში წესრიგისა და სისუფთავის დაცვა რუსთავსერვის ცენტრის ერთ-ერთი პრიორიტეტია.

ინფო რუსთავის ინფორმაციით, რუსთავის მუნიციპალიტეტი მაისი თვეში დამატებით კიდევ რამდენიმე ათეულ ურნას შეიძენს.

დასუფთავების მანქანებს მყარი ნარჩენები ქალაქის ტერიტორიიდან დღის განმავლობაში 2–ჯერ გააქვთ.