გურჯანიის მუნიციპალიტეტის სოფელ კოლაგში ავარიას 7 წლის ბავშვი ემსხვერპლა.

არსებული ინფორმაციით, მძღოლმა საჭე ვერ დაიმორჩილა, გზის სავალი ნაწილიდან გადავიდა, ბოძს შეეჯახა და დაბლობში გადავარდა.

შემთხვევის შედეგად 7 წლის ბავშვი ადგილზე დაიღუპა, დაშავდნენ მისი მშობლები და 3 წლის და.

დაშავებულები სასწრაფო დახარების ეკიპაჟმა კლინიკაში გადაიყვანა.

როგორც საინფორმაციო სააგენტო "ინფო რუსთავს" შინაგან საქმეთა სამინისტროში უთხრეს, მომხდარზე გამოძიება  276-ე მუხლით არის დაწყებული, რაც ტრანსპორტის მოძრაობის ან ექსპლუატაციის წესის დარღვევას გულისხმობს.