რუსთავის სამხატვრო სკოლაში 20 წლის ივა თადიაშვილის არტ საღამო გაიმართა. ახალგაზრდა ხელოვანი მხატვარი არ არის, ის კონო რეჟისურის პროფესიას ეუფლება. მას თავისუფალი აზრი და ხედვა აქვს, ის ქმნის კონცეფციებს, რომელსაც სრულიად შეუსაბამო სახელწოდებები აქვს. სამხატვრო სკოლის ხელმძღვანელის აზრით, სწორედ ამაშია ხელოვანის ხიბლი და ამიტომაც გადაწყვიტა ივას ნამუშევრების გამოფენა მოეწყო. გამოფენის ავტორი „ინფო რუსთავთან“ საუბრისას ამბობს, რომ

„პროფესიით კინორეჟისორი ვარ, ეს გამოფენა იყო ერთგვარი ექსპერიმენტი. ჩემი ამ ნამუშევრებით ხალხს წარმოსახვა გავუვარჯიშე. ვცდილობ დავანახო ის, რაც ნახატში არ არის გამოსახული. გარდა კონცეფციების შექმნისა ვიღებ ფილმებს და ვწერ. მომავალში ვაპირებ ჩემ ნამუშევრებს მივუძღვნა ნაწარმოები.“