დღეს რუსთავის მუნიციპალიტეტის პროექტის - ,,მონაწილეობითი ადგილობრივი ბიუჯეტირება ქალაქ რუსთავში“ შემაჯამებელი კონფერენცია ჩატარდა. რესტორან „მადაგონში“ გამართულ შეხვედრას ადგილობრივი და საერთაშორისო ორგანიზაციების, ადგილობრივი თვითმამრთველობისა და სამოქალაქო სექტორის წარმომადგენლები დაესწრნენ.
,,მონაწილეობითი ადგილობრივი ბიუჯეტირება ქალაქ რუსთავში“ მიზნად ისახავს რუსთავის მუნიციპალიტეტის მხარდაჭერას ქალაქში მონაწილეობითი ბიუჯეტირების პრაქტიკის დანერგვაში და მოსახლეობის ჩართულობას ქალაქისთვის მნიშვნელოვანი გადაწყვეტილებების მიღების პროცესში.
შეხვედრაზე განიხილეს პროექტის ფარგლებში გაწეული საქმიანობა, მიღწეული შედეგები და მათი განვითარების პერსპექტივები. ქალაქის მერმა, ირაკლი ტაბაღუამ დამსწრე საზოგადოებას მიმართა და პროექტს მხარდაჭერა გამოუცხადა.

პროექტი ევროკავშირის მიერ არის დაფინანსებული, მისი განხორციელება 2016 წლის მარტში დაიწყო. პროექტს რუსთავის მერია, ნიდერლანდების სამეფოს მუნიციპალიტეტებს ასოციაციასა და მუნიციპალიტეტების საერთაშორისო საკონსულტაციო ცენტრთან პარტნიორობით ახორციელებდა.

ავტორი: ნინა პარუნაშვილი