2018-02-25 13:19:33
გარემოსდაცვითი ზედამხედველობის ქვემო ქართლის სამმართველოს მიერ რუსთავში, მდინარე მტკვარზე, უკანონო თევზჭერის ფაქტი გამოვლინდა. ფაქტზე ერთი პირი ამხილეს,რომელიც თევზჭერას სახლართი ბადით ახორციელებდა. უწყების ინფორმაციით, უკანონო თევზჭერაზე მოქალაქეს ჯარიმა 200 დან 400 ლარამდე დაეკისრება, ასევე ჩამოერთვა აკრძალული თევზსაჭერი იარაღები.
"შედგა შესაბამისი ადმინისტრაციული სამართალდარღვევის ოქმი და მასალები შემდგომი რეაგირებისათვის შესაბამის ორგანოებს გადაეგზავნება" -აცხადებენ გარემოსდაცვითი ზედამხედველობის ქვემო ქართლის სამმართველოში.
