პისარენკოების ოჯახი, რომელიც რუსთავში ღია ცის ქვეშ ცხოვროდა, კასპის რაიონში თავის საცხოვრებელში დაბინავდა.

რუსთავის მერიის სოციალური სამსახურის უფროსის, ნინო ქვირიას,  ინფორმაციით, ალექსანდრე პისარენკოსა და მისი შვილისთვის მუნიციპალიტეტი საცხოვრებელი ფართის  ქირაობას აპირებდა, თუმცა გაირკვა, რომ მამაკაცს საცხოვრებელი სახლი კასპის რაიონში ჰქონდა, ამიტომ კასპის მუნიციპალიტეტთან თანამშრომლობით პისარენკოები თავიანთ სახლს დაუბრუნდნენ და მათ დასაქმებას სწორედ კასპის მუნიციპალიტეტი უზრუნველყოფს.
"პისარენკოები წავიყვანეთ იუსტიციის სახლში ახალი პირადობის მოწმობების ასაღებად, გვინდოდა ბინის ქირაობა, მაგრამ მოვიკვლიეთ და აღმოჩნდა, რომ კასპის რაიონში სახლიც აქვთ, მიწაც ჰქონდათ, დავუკავშირდით კასპის მუნიციპალიტეტს და ისინი უზრუნველყოფენ სამუშაოთი." - აღნიშნა ნინო ქვირიამ.

ალექსანდრე პისარენკოს შესახებ "ინფო რუსთავის" მიერ მომზადებული სიუჟეტის შემდეგ, მამაკაცს დახმარება, როგორც მოსახლეობამ, ასევე ქველმოქმედმა აკა სინჯიკაშვილმა და ქალაქის მერიამ გაუწია.

ავტორი: ირმა კურტანიძე