თბილისში, ისან-სამგორის ტერიტორიაზე ნაყიდი შაურმით ოთხმა რუსთაველმა კვებითი ინტოქსიკაცია მიიღო. პაციენტებმა შესაბამისი ჩივილებით, რუსთავის ცენტრალურ  საავადმყოფოს გუშინვე მიმართეს, მათგან ერთ-ერთის ჰოსპიტალიზაცია საჭირო არ გახდა და ის ბინაზე გაეწერა. ერთ-ერთი პაციენტის ნათესავი "ინფო რუსთავთან" ყვება, რომ გუშინ საღამოს მეგობრებმა შაურმა ისანში, ერთ -ერთ საშაურმეში შეიძინეს და საკვებად მიიღეს, დაახლოებით ნახევარ საათში კი პირღებინება და მუცლის ტკივილი დაეწყოთ.  მათი ჰოსპიტალიზაცია სასწრაფო დახმარების ეკიპაჟმა რუსთავის ცენტრალური საავადმყოფოს, ინფექციურ განყოფილებაში მოახდინა. განყოფილების მთავარი ექიმი ნანა გელაშვილი აცხადებს, რომ პაციენტების გამოკითხვის შედეგად ცნობილი გახდა, რომ მათ საკვებად შაურმა მიიღეს რამაც ინტოკსიკაცია გამოიწვია. ექიმის თქმით ავადმყოფების მდგომარეობა ამ ეტაპზე საშუალო სიმძიმისაა და ისინი მკურნალობის კურსს გადიან. ნახეთ ვიდეო.