ადგილობრივი თვითმმართველობა ერთ-ერთი მასშტაბური ინფრასტრუქტურული პროექტის განახორციელებას იწყებს. უფრო კონკრეტულად: საგზაო ინფრასტრუქტურა მშვიდობის ქუჩაზე  მოწესრიგდება. პროექტი, რომლისთვისაც საერთო ჯამში 2 000 000 ლარზე მეტი დაიხარჯება დაახლოებით გზის 2 კილომეტრიანი მონაკვეთის კაპიტალურ-რეაბილიტაციას ითვალისწინებს. პროექტის მიხედვით მშვიდობის ქუჩაზე შიდა კომუნიკაციები შეიცვლება რის შემდეგაც ტერიტორიაზე  ასფალტი ორ ფენად დაიგება. ასევე იგეგმება ფეხით სავალი ბილიკის მოწყობა ყველა იმ მონაკვეთზე სადაც ქვეითად მოსიარულეები გადაადგილდებიან. "ინფო რუსთავი"-ს ინფორმაციით სამუშაოების ჩატარება ორ ეტაპად იგეგმება. ტენდერს მერია უახლოეს დღეებში გამოაცხადებს. საგზაო-სარეაბილიტაციო და კეთილმოწყობის სამუშაოები მშვიდობის ქუჩაზე, დაახლოებით სამი თვე გაგრძელდება. შეგახსენებთ, რომ მოსახლეობა მშვიდობის ქუჩის საავტომობილო გზის მოწესრიგებას რამდენიმე წლის განმავლობაში ითხოვდა. ქუჩის რეაბილიტაცია რუსთავის მერის, ირაკლი ტაბაღუას ერთ-ერთი წინასაარჩევნო დაპირება იყო.