სემეკის გადაწყვეტილებით, რუსთავში წყლის ტარიფი გაიზარდა. გამრიცხველიანებული მოსახლეობისთვის ტარიფი უცვლელი დარჩა, თუმცა გადასახადი ერთ სულ მოსახლეზე 8 თეთრით გაეზარდათ მრიცხველის არმქონე აბონენტებს. რაც შეეხება კომერციულ სექტორს ამ შემთხვევაში მეწარმეებისთვის წყლის გადასახადმა 43 თეთრით მოიმატა. რუსთავში სულ 48 000 აბონენტია რეგისტრირებული აქედან 12 000-მდე აბონენტს არ აქვს მრიცხველი დამონტაჟებული. მოსახლეობას წყლის გაზრდილი ტარიფის გადახდა თებერვლის თვიდან მოუწევთ. ამის შესახებ, მოქალაქეთა ნაწილმა სმს შეტყიბინება უკვე მიიღო.

შეგახსენებთ, რომ რუსთავთან ერთად, მცხეთისა და თბილისის მოსახლეობისთვის წყლის ტარიფის გაძვირების გადაწყვეტილება ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 2017 წლის დეკემბრის ბოლოს მიიღო. გაძვირებული ტარიფი რუსთავის თბილისისა და მცხეთის მოსახლეობას შეეხო.

აღნიშნული ტარიფები ძალაში 2020 წლის ბოლომდე იქნება.