რუსთავში ორი სკვერის კეთილმოწყობა იგეგმება. კერძოდ, რეაბილიტაცია  გიგა ლორთქიფანიძის სახელობის თეატრის წინ არსებულ სკვერსა და ფალიაშვილის ქუჩის მიმდებარე ტერიტორიაზე ე.წ ჩიკაგოს სკვერს ჩაუტარდება, სადაც სკამები და საფეხმავლო ბილიკები მოეწყობა, გაკეთდება განათება და სპორტული მოედანი განახლდება.

წლების განმავლობაში ე.წ ჩიკაგოს სკვერი მიტოვებული იყო, თეატრთან არსებულ ტერიტორიაზე კი რამდენიმე თვის წინ სიმპოზიუმის ფარგლებში შესრულებული სკულპტურები განთავსდა.

ამ ეტაპზე რუსთავის მუნიციპალიტეტს სკვერების პროექტირებისთვის ტენდერი აქვს გამოცხადებული.

ავტორი: ირმა კურტანიძე