რუსთავის მერმა ირაკლი ტაბაღუამ დღის ბოლოს, მესხიშვილის ქუჩაზე კომპანია რუსთავის წყლის მიერ მიმდინარე სარეაბილიტაციო სამუშაოები დაათვალიერა. აღნიშნულ ქუჩაზე წლების განმავლობაში მიწისქვეშა კომუნიკაციების დაზიანების გამო, მოსახლეობას სასმელი წყალი შეფერხებით მიეწოდებოდა, მასშტაბური კაპიტალური რეაბილიტაციის პროცესის დასრულების შემდეგ კი წყალმომარაგების მიწოდების ხარისხი გაუმჯობესდება.