რუსთავის მერიის ზედამხედველობისა და ადგილობრივი მოსაკრებლების სამსახური რუსთავის მასშტაბით ტერიტორიების უნებართვო მშენებლობებისგან გათავისუფლებას განაგრძობს.
ზედამხედველობის სამსახურის თანამშრომლებმა კანონით გათვალისწინებული ღონისძიებები ამჯერად თოდრიას 2 ჩიხში (ნომ 4), მე 19-მკრ-კორპ 12, მეგობრობის 39, მე-17 მკრ - კორპ 23, მესხიშვილის 6, მე-14 მკრ-კორპ 39,1 მაისის 36-სა და ოდიშარიას 33-ში გაატარეს.

გარდა ამისა, უნებართვოდ განთავსებული კონსტრუქციები თბილისის ქუჩის #29,31,33,35,37,39 კორპუსების ეზოებშიც აიღეს.

როგორც ზედამხედველობის სამსახურში განმარტავენ, ქალაქში რაიმე სახის მსუბუქი კონსტრუქციის განთავსება მხოლოდ არქიტექტურის სამსახურის ნებართვის საფუძველზეა შესაძლებელი. წინააღმდეგ შემთხვევაში სხვა ყველა კონსტრუქცია თუ შენობა-ნაგებობა თვითნებობად ჩაითვლება და ზედამხედველობის სამსახური შესაბამის ზომებს მიიღებს.

კერძოდ, პირველ ეტაპზე მსუბუქი კონსტრუქციის განმთავსებელს გაფრთხილება და რამდენიმე დღიანი ვადა ეძლევა, რათა ტერიტორია გაათავისუფლოს. წინააღმდეგ შემთხვევაში კონსტრუქციას ზედამხედველობის სამსახურის თანამშრომლები იღებენ, პირს კი 500 ლარის ოდენობით ჯარიმა ეკისრება.

ავტორი: ირმა კურტანიძე