2018-02-07 14:02:23
ქვემო ქართლის სამხარეო ადმინისტრაციაში საკონსულტაციო საბჭოს მორიგი სხდომა გაიმართა.
შეხვედრაზე თეთრიწყაროში, წალკაში, გარდაბანსა და რუსთავში განსახორციელებელი სამუშაოები განიხილეს. გარდა ამისა, ქვემო ქართლის მუნიციპალიტეტების ხელმძღვანელმა პირებმა უსახური შენობა-ნაგებობებისა და რეგიონში ტურიზმის განვითარების საკითხებზე იმსჯელეს.
"ჯამურად 3 მილიონ ლარზე მეტი პროექტი მოვიწონეთ და განხორციელდება ამ წელში, აგრეთვე განვიხილეთ ტურიზმის პოტენციალის განვითარების გეგმები, მარტის ბოლო იგეგმება ფორუმი და ჩვენ გვჭირდება უფრო დეტალური ინფორმაცია მუნიციპალიტეტებიდან, შეიქმნება სამუშაო ჯგუფები თითოეული მუნიციპალიტეტში, აგრეთვე სხდომაზე იყო მსჯელობა სხვა სამუშაო საკითხებზე" - აღნიშნა სახელმწიფო რწმუნებულმა გუბერნატორმა გრიგოლ ნემსაძემ.
სამხარეო ადმინისტრაციაში გამართულ შეხვედრას ქვემო ქართლის გუბერნატორი, რუსთავის მერი, რუსთავის საკრებულოს თავმჯდომარე და რეგიონის მუნიციპალიტეტების წარმომადგენლები ესწრებოდნენ.
ავტორი: ირმა კურტანიძე
