ქუთაისში ოლიმპიური ჩემპიონების, ზურაბ საკანდელიძისა და მიხეილ ქორქიას მემორიალური ტურნირი ჩატარდა, მასში 8 გუნდი მონაწილეობდა. შეგახსენებთ, რომ ლეგენდარული კალათბურთელების ხსოვნის ტურნირი 2006 წლიდან იმართება და წელს იგი მე-13-ედ გაიმართა. ტურნირმა სტარტი 1 თებერვალს აიღო. მეოთხედფინალში "რუსთავი" "სოხუმს" დაუპირისპირდა და იოლად – 103:72 მოუგო. მეორე დღეს ნახევარფინალური მატჩები გაიმართა. "რუსთავი" და "კაკტუს" შეხვდა. თამაში დაძაბულად წარიმართა, არც ერთ გუნდს არ სურდა დათმობა და ბოლო წუთებამდე ბრძოლა მიმდინარეობდა. მატჩის ბედი რეზო ჩაჩანიძის ზუსტმა თამაშმა გადაწყვიტა, რომელმაც ბოლო 2 წუთში 3 სამქულიანი ჩააგდო და რუსთაველებს გამარჯვება გაუნაღდა.

სწორედ რევაზ ჩაჩანიძე გახდა 3 თებერვალს ქუთაისის სპორტის სასახლეში გამართული "ყველა ვარსკვლავის მატჩის" სამქულიანების კონკურსის გამარჯვებულიც. კონკურსში მიმდინარე სუპერლიგის 6 საუკეთესო მსროლელო მონაწილეობდა – გიორგი ბარბაქაძე (ქუთაისი), რეზო ჩაჩანიძე (რუსთავი), აკაკი ლომოური (ქუთაისი), გივი ბაქრაძე (ოლიმპი), ბრაიან ბერნარდი (რუსთავი) და ილია შემოსიუკი (ბათუმი). ფინალში რეზო ჩაჩანიძე (20 ქულა) და გიორგი ბარბაქაძე (17) გავიდნენ. გადამწყვეტი შერკინება რუსთაველმა სნაიპერმა მოიგო. მისი 17 ქულა ბარბაქაძემ ვეღარ გადაფარა და რუსთავის გუნდის წევრმა საპატიო ჯილდო მოიგო .

რაც შეეხება მიხეილ ქორქიასა და ზურაბ საკანდელიძის სახელობის მემორიალური ტურნირის ფინალურ მატჩს, ის არ გამოდგა დაძაბული. შეხვედრა დაგეგმილზე 45 წუთის დაგვიანებით დაიწყო და უფრო ამხანაგურ მატჩს გავდა ვიდრე ფინალს. საბოლოოდ გამარჯვება მასპინძლებს დარჩათ და "ქუთაისი" ზურაბ საკანდელიძის და მიხეილ ქორქიას სახელობის თასის მფლობელი გახდა. რამაზ გოგობერიშვილი თამაშის სუსტ საორგანიზაციო საკითხებზე ამახვილებს ყურადღებას და მიიჩნევს რომ სწორედ ამან განაპირობა ის რომ გუნდმა ფინალში ვერ გაიმარჯვა.

7 თებერვალს რუსთავის საკალათბურთო დარბაზში ქვემო ქართლის დერბი გაიმართება, რუსთავი "რუსთავი" მარნეულის "დელტა"-ს დაუპირისპირდება შეხევდრა 18:30 დაიწყება.