რუსთავში სხვადასხვა მისამართზე მისასვლელი გზების რეაბილიტაცია იგეგემება. ქალაქის მუნიციპალიტეტმა აღნიშნული სამუშაოების შესყიდვაზე ტენდერები გამოაცხადა. კერძოდ, რუსთავში მე-8 მკრ-ში #15 საჯარო სკოლასთან მისასვლელი გზას, ასევე XXI მკრ-ში #10 ეზოს და #22 სკოლასთან მისასვლელი გზას და გზირიშვილის და მაჩაბელის ქუჩების დამაკავშირებელი გზას რეაბილიტაცია ჩაუტარდება. მე-12 მიკრორაიონში კაპანაძის ქუჩაზე კი ტროტუარები მოეწყობა, რისთვისაც ბიუჯეტიდან 224 677 ლარი გამოიყო.

სარეაბილიტაციო სამუშაოები ჩაუტარდება და ტროტუარები მოეწყობა ოდიშარიას ქუჩაზე (ფიროსმანის ქუჩიდან მშენებელთა ქუჩამდე), ბიუჯეტიდან სამუშაოების შესყიდვისთვის 192,220 ლარია გამოყოფილი.

ქალაქის მასშტაბით იგეგმება გზის საფარის ორმული დამუშავებაც, რისთვისაც ბიუჯეტში თანხა 300,000 ლარით განისაზღვრა. ტენდერებში გამარჯვებულმა კომპანიებმა შესაბამისი სამუშაოები ხელშეკრულების გაფორმებიდან 160 დღეში უნდა შეასრულონ.

ავტორი: ირმა კურტანიძე