რუსთავის რამდენიმე ქუჩაზე დღის განმავლობაში გარე განათების ქსელის რეაბილიტაცია მიმდინარეობს. ინფრასტრუქტურული სამუშაოები მესხიშვილის ქუჩაზე, მე-16 მიკრორაიონსა და რუსთავი-წითელი ხიდის ავტომაგისტრალზე ხორციელდება. ქალაქში უკვე დამონტაჟდა გარე განათების 18 ბოძი.  ინფორმაციას რუსთავის მერია ავრცელებს. მათი თქმით, სამუშაოების ფარგლებში, ელექტროგადამცემი ბოძები და ენერგოეფექტური დიოდური სანათები დამონტაჟდება ყაზბეგის, გორის, დუმბაძის, დონეცკელ მეტალურგთა და ბოსტან-ქალაქის ქუჩებზეც.

ქალაქის მასშტაბით, გარე განათების ქსელის რეაბილიტაციას მერიის ა(ა)იპ "უზრუნველყოფა" ახორციელებს. აღსანიშნავია, რომ ეტაპობრივად იგეგმება  გარე განათების ქსელის განახლება ქალაქის სხვა უბანში.