"უნდა დაიკითხოს ქალაქის მერი"

2018-01-29 22:22:19

ბიზნესმენ სოსო ქუთაელაძის მკვლელობის საქმეზე დაკითხული გიორგი ჭანტურიას ადვოკატი ალეკო კობაიძე "ინფო რუსთავთან" აცხადებს რომ - "მე ვფიქრობ რომ გამოძიებამ აუცილებლად უნდა დაკითხოს რუსთავის მერი ირაკლი ტაბაღუა, პირადად მე 3 კითხვა მაქვს, რატომ გაათავისუფლა მამა-შვილი ჭანტურიები სამსახურიდან, რატომ დანიშნა მერიის განკარგულებაში არსებული წილის იურისტად თავისი ნათესავი და რა უნდოდა ტაბაღუას შემთხვევის ადგილზე, რატომ მივიდა იქ მკვლელობის შემდეგ."

აღნიშნული კითხვები "ინფო რუსთავმა" ქალაქის მერს, ირაკლი ტაბაღუას დაუსვა - "ზურაბ ჭანტურიას ხელშეკრულების ვადა ამოეწურა, რაც შეეხება გიორგი ჭანტურიას როგორც ვიცი მან თანამდებობა საკუთარი განცხადების საფუძველზე დატოვა. რაც შეეხება მეორე კითხვას, მე არავინ არსად არ დამინიშნავს, მით უმეტეს მერიის წილს ყადაღა ადევს და მესამე მე ვარ ქალაქის მერი და სადაც საჭიროა ყველგან მივდივარ, მათ შორის ეს იქნება უბედური შემთხვევა, განზრახ ჩადენილი ქმედება თუ სტიქიური მოვლენები".