პროექტის, „ბიზნესის უბარ-ჩვევები დაწყებით განათლებაში“, ფარგლებში, მეოთხე სკოლის მე-5 კლასის მოსწავლეებმა „ჭკვიანი ჩანთა“ შექმენს. კონკურსში 50-ზე მეტი საკონკურსო ბიზნესიდეა იყო წარდგენილი. პირველი ადგილი მეოთხე სკოლის ინოვაციურმა პროდუქტმა, „ჭკვიანი ჩანთა“, დაიკავა.

„ინფო რუსთავი“ დაუკავშირდა მეოთხე სკოლის დირექტორ მამუკა ხამხაძეს და გამარჯვებული იდეის შესახებ ესაუბრა.

„მეოთხე სკოლა პროექტში 2015 წელს ჩაერთო. 2017 წელს კი მე-5 კლასის მოსწავლეებმა შექმნეს „ჭკვიანი ჩანთა“, რომელიც სასწავლო საჭიროებებიდან გამომდინარე შეიქმნა და  6 მნიშვნელოვანი ფუნქცია აქვს.  სასწორი, საწვიმარი, წყლის ავზი, ელექტრონული ეკრანი, შუქმნათები - გზაზე გადასვლის დროს საღამოს საათებშიც შესამჩნევი გახდება ბავშვის გადაადგილების ტრაექტორია და ჯიპიესის ტიპის მოწყობილობა,რომელიც მშობელს საშუალებას მისცემს, რომ დაადგინოს შვილის ადგილმდებარეობა. პროექტი დასრულდა, მაგრამ ბავშვები ბიზნესიდეის განვითარებას  სოციალური რეკლამისა და აქტივობის გზით გააგრძელებენ“,-აღნიშნა მამუკა ხამხაძემ.

პროექტში სულ 15 ბავშვი იღებდა მონაწილეობას, მათთან ერთად კი იდეაზე რუსული ენისა და ლიტერატურის პედაგოგი, ინგა ფერაძე, მუშაობდა. პროექტის პრეზენტაცია „ექსპო ჯორჯიაში“ გაიმართა.