რუსთავის რამდენიმე საბავშვო ბაღში მისასვლელ გზებს რეაბილიტაცია ჩაუტარდება და ბეტონის ბორდიურები მოეწყობა.
რუსთავის მუნიციპალიტეტმა აღნიშნული სამუშაოების შესყიდვისთვის ტენდერი უკვე გამოაცხადა.

სატენდერო დოკუმენტაციის თანახმად, №32 საბავშვო ბაღი შემოიღობება და მისასვლელ გზას რეაბილიტაცია ჩაუტარდება, რისთვისაც ბიუჯეტიდან 130,940 ლარია გამოყოფილი.
ხოლო №40 და №41 საბავშვო ბაღების ტროტუარებისა და ტერიტორიის გზის საფარის მოწყობისთვის 172,333 ლარია გამოყოფილი.

ტენდერში გამარჯვებულმა კომპანიებმა შესაბამისი სამუშაოები ხელშეკრულების გაფორმებიდან 160 დღის განმავლობაში უნდა შეასრულონ.

ავტორი: ირმა კურტანიძე