ეროვნულ სამხედრო სამსახურში გაწვევები გრძელდება.

პროცესი 2025 წლის 15 იანვარს დაიწყო და უწყვეტად გაგრძელდება 2025 წლის 1 დეკემბრამდე.

"ინფო რუსთავმა" კითხვით, რამდენი პირი რუსთავის მუნიციპალიტეტის ადმინისტრაციულ საზღვრებში რეგისტრირებული რამდენი პირი გაიწვიეს ეროვნულ სამხედრო სამსახურში, თავდაცვის სამინისტროს მიმართა.

თავდაცვის სამინისტროდან ჩვენთვის მოწოდებულ ინფორმაციაში ვკითხულობთ, რომ  სამხედრო სამსახურში რუსთავიდან გაწვეულ იქნა 331 პირი.

"ეროვნულ სამხედრო სამსახურში გაწვეულ იქნა 331 პიროვნება, მათგან 19 პირმა უკანონოდ აარიდა თავი გამოცხადებას და მათი საქმე გადაეცა სასამართლოს.

გაწვევის პროცესში მოქალაქეების მოსაძებნად და მათთან კომუნიკაციის დასამყარებლად 191 შემთხვევაში საჭირო გახდა შინაგან საქმეთა სამინისტროს მხარდაჭერა", - ნათქვამია მოწოდებულ ინფორმაციაში.

ამასთანავე, საჯარო ინფორმაციის მოთხოვნაზე საპასუხო წერილში აღნიშნულია, რომ ტერმინი "სავალდებულო სამხედრო სამსახური" შეიცვალა და ეწოდა "წვევამდელთა ეროვნული სამხედრო სამსახური".

"თავდაცვის კოდექსი"-ს 64-ე და 65-ე მუხელბი კი არ განიხილავენ  რელიგიური ნიშნით წვევამდელთა ეროვნულ სამხედრო სამსახურში გაწვევის გადავადებას და გაწვევისგან გათავისუფლებას.

კანონის თანახმად, გაუქმდა ე.წ. სეზონური გაწვევები (მაგ: საგაზაფხულო, საშემოდგომო და ა.შ.). ნაცვლად ამისა, წვევამდელთა ეროვნულ სამხედრო სამსახურში გაწვევის პროცესი 2025 წლის 15 იანვარს დაიწყო და უწყვეტად გაგრძელდება 2025 წლის 1 დეკემბრამდე.