2018-01-25 12:45:29
რუსთავში, მდინარე მტკვარზე საგამოძიებო მოქმედებები შეჩერებულია.
სამართალდამცავები გენერალ სამსონ ქუთათელაძის მკვლელობის საქმესთან დაკავშირებით საგამოძიებო ღონისძიებებს მტკვარზე 4 დღის განმავლობაში ატარებდნენ. ადგილზე პოლიციასთან ერთად სამაშველო სამსახურის მყვინთავებიც მუშაობდნენ.
არსებული ინფორმაციით, მდინარე მტკვარზე მიმდინარე საგამოძიებო მოქმედებებისას სამართალდამცავებმა საქმესთან დაკავშირებულ ნივთმტკიცებებს ვერ მიაკვლიეს.
შეგახსენებთ, აღნიშნული საგამოძიებო მოქმედებები რუსთავში 20 იანვარს დაიწყო.
ავტორი: ირმა კურტანიძე
