უკვე რამდენიმე დღეა რუსთავის მოსახლეობა "ინფო რუსთავს" უკავშირდება და საცხოვრებელ სახლებში ბუნებრივი აირის სუნის შესახებ ინფორმაციას აწვდის და დახმარებას ითხოვს. მოსახლეობის ინფორმაციით სუნი სადარბაზოებში და საცხოვრებელ ბინებში საკმაოდ საგრძნობია და შესაბამისი სამსახურების მხრიდან რეაგირებას ითხოვენ. ბუნებრივ აირს სუნი არ აქვს, თუმცა პროფილაქტიკური სამუშაოების ფარგლებში ხშირად ხდება რომ გაზს ოდორანტს უმატებენ რათა მოხდეს დადგენა იმისა ხდება თუ არა სადმე გაჟონვა. "ინფო რუსთავი" გაზის ტრანსპორტირების კომპანიას დაუკავშირდა სადაც განგვიცხადეს რომ მიმდინარე კვირას ბუნებრივი აირისთვის ოდორანტის დამატება არ მომხდარა.