რუსთავის მუნიციპალურ თეატრში პარტია "ქართული ოცნების" დახურული შეხვედრა გაიმართა. შეხვედრა ცისფერ დარბაზში მიმდინარეობდა და მას ქვემო ქართლის რეგიონის თითქმის ყველა მუნიციპალიტეტის მერი, საკრებულოს თავმჯდომარე და პარტიის წევრები ესწრებოდნენ. ჩვენი ინფორმაციით შეხვედრაზე რომელსაც ქვემო ქართლის გუბერნატორი გრიგოლ ნემსაძე და დეპუტატი დიმიტრი სამხარაძე ხელმძღვანელობდნენ, მოახლოებულ საპრეზიდენტო არჩევნებზე და მუნიციპალიტეტებში პარტიული ორგანიზაციების გაძლიერებაზე ისაუბერს. "ინფო რუსთავი" დაინტერესდა რას ემსახურებოდა შეხვედრა და გადაწყდა თუ არა ვინ უხელმძღვანელებს პარტია "ქართული ოცნების" რუსთავის ორგანიზაციას -  "ეს იყო ზოგადი შეხვედრა, კონკრეტულად არაფერზე გვისაუბრია, რაც შეეხება იმას თუ ვინ უხელმძღვანელებს ქართული ოცნების რუსთავის ორგანიზაციას ეს ჯერ გადაწყვეტილი არ არის" - განაცხადა ქვემო ქართლის გუბერნატორმა გრიგოლ ნემსაძემ.