რუსთავში საკრებულოს სხდომა გაიმართა, სადაც 13 საკითხი განიხილეს. საკრებულოს წევრებმა ააიპ-ების 2018 წლის ბიუჯეტის დამტკიცების წესსა და  2018 წლის ბიუჯეტში შესატან  ცვლილებებზე იმსჯელეს.

საკრებულოს თავმჯდომარემ, ლევან ონიანმა, განაცხადა, რომ ის ეკონომიები, რომელიც 2017 წლის ბიუჯეტიდან დარჩა, 2018 წლის ბიუჯეტში გადავა.

„დღევანდელი სხდომიდან მთავარ საკითხად გამოვყოფდი 2017 წლის ეკონომიებს, რომელიც გაიწერება 2018 წლის სხვადსხვა ინფრასტრუქტურულ პროექტზე. აღნიშნული ფაქტი, უპირველესად, რუსთავის მოსახლეობას წაადგება.“,- განაცხადა ლევან ონიანმა.

შეგახსენებთ, რომ 2017 წლის ბიუჯეტიდან აუთვისებელი დარჩა 2 180 000 ლარი, რომელიც 2018 წლის ბიუჯეტში გადანაწილდება. ხოლო მერიის სარეზერვო ფონდის ბიუჯეტი 43 000 ლარით გაიზრდება.