2025-02-12 18:23:36
რუსთავში, მესხიშვილის ქუჩაზე მდებარე 10 კორპუსს რეაბილიტაცია ჩაუტარდება.
ამის შესახებ ქალაქის მერმა ნინო ლაცაბიძემ 2025 წლის გეგმების პრეზენტაციაზე განაცხადა.
მისი თქმით, პროექტი, რომელიც წელს დაიწყება, ქუჩაზე არსებულ საბჭოთა შენობების მოდერნიზებას და მიმდებარე ტერიტორიის მოწყობას ითვალისწინებს.
"მესხიშვილის ქუჩაზე შევძელით საგზაო ინფრასტრუქტურის მოწესრიგება, საფეხმავლო ნაწილისაც. ძალიან გვინდა მეგობრობის გამზირის პროექტი, რომელიც საკმაოდ ეფექტური გამოვიდა, გაგრძელდეს, საბჭოთა შენობები მოდერნიზდეს, თანამედროვე იერსახე მივცეთ. ეს მოსახლეობის მოთხოვნაც არის. მესხიშვილის პროექტი სწორედ ამას გულისხმობს, შენობების სარეაბილიტაციო სამუშაოების ჩატარებას",- გვითხრა ლაცაბიძემ.
